काठमाडौँ । नेपाली सुनचाँदी बजारमा आज हप्ता कारोबारको पहिलो दिन आईतबार सुन–चाँदीको मूल्य बढेको छ ।
आज छापावाल सुन प्रतितोला सात सय रुपैयाँले बढेर एक लाख ११ हजार तीन सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । शुक्रबार छापावाल सुन प्रतितोलाएक लाख १० हजार छ सय रुपैयाँमा कारोबार भएको थियो ।
यस्तै, आज तेजाबी सुन प्रतितोला एक लाख १० हजार सात सय ५० रुपैयाँमा कारोबार भइरहेको छ। शुक्रबार उक्त सुन प्रतितोला एक लाख १० हजार ५० रुपैयाँमा कारोबार भएको थियो।
त्यसैगरी, आज चाँदीको मूल्य पनि बढेको छ। आज चाँदी२० रुपैयाँले बढि प्रतितोला १३ सय ९५ रुपैयाँमा कारोबार भइरहेको महासंघले जनाएको छ ।
