काठमाडौँ । नायिका एवं चलचित्र तथा कार्यक्रम निर्मात्री केकी अधिकारीले चलचित्र निर्माणको समयमा सम्पूर्ण कलाकार तथा प्राविधिक सदस्यहरूका लागि मानसिक स्वास्थ्य परामर्शको विभाग पनि आवश्यक रहेको जनाउनुभएको छ ।
सामाजिक सञ्जालमा नायिका अधिकारीले लेख्नुभएको छ, “सार्वजनिक स्पटलाइटमा हुनुको लागत अकल्पनीय हुन सक्छ, बेलैमा सबै मिली यसलाई गम्भीरताका साथ लिऔँ।”
उहाँले लेख्नुभएको छ-
‘हामीले चलचित्र निर्माताहरू र मिडिया उद्योगका प्रतिनिधिहरूको रूपमा, हाम्रो बजेट योजना बनाउँदा वा चलचित्र हस्ताक्षर गर्दा, निर्माणको समयमा सम्पूर्ण कलाकार तथा प्राविधिक सदस्यहरूका लागि मानसिक स्वास्थ्य परामर्शको विभाग पनि राखिन जरुरी भैसकेको छ।
सार्वजनिक स्पटलाइटमा हुनुको लागत अकल्पनीय हुन सक्छ, बेलैमा सबै मिली यसलाई गम्भीरताका साथ लिऔँ।’
आज मात्र अभिनेता शारुक ताम्राकार घरमा कोही नभएको बेला झुण्डिएको अवस्थामा फेला परेका थिए । हाल छायांकन भइरहेको ‘ह्यासट्याग माया’ मा अभिनय गरिरहेका उनी अपराह्न सुटिङबाट घर फर्किएका थिए ।
