एजेन्सी । इटालियन क्लब युभेन्ट्सका मुख्य प्रशिक्षक आन्द्रे पिर्लो बर्खास्तमा परेका छन् ।
पछिल्लो सिजन उनले कार्यभार सम्हालेपछि युभेन्ट्सले लिग जित्न असफल रहँदै शीर्ष चारमा रहेर च्याम्पियन्स लिगको यात्रा सुरक्षित गर्न पनि लिगको अन्तिम खेलसम्मै प्रतिक्षा गर्नुपरेपछि उनलाई क्लबले बर्खास्त गरेको हो ।
उनको नेतृत्वमा युभेन्ट्सले सुपर कप र कोपा इटालिया भने जितेको थियो ।
अघिल्लो समरमा मउरिजियो सारीको स्थानमा युभेन्ट्सले उनलाई प्रशिकका रुपमा अनुबन्ध गरेको थियो । उनको प्रशिक्षणमा रहँदा युभेन्ट्सले सन् २०१२ पछि पहिलो पटक लिग उपाधि जित्नबाट चुकेको थियो ।
