काठमाडौं । काठमाडौं महानगरपालीका प्रमुख बालेन साहले नेपाली कांग्रेसका महामन्त्री गगन थापालाई महानगरभित्र नेपाली कांग्रेसको भातृसंगठन नभएको घोषणा गर्न चुनौति दिनु भएको छ ।
सामाजिक संञ्जाल मार्फत मेयर साहले बोलेको कुरा पुरा गर्नुस माननीयज्यू भन्दै स्मरण गराउनु भएको छ ।
उहाँले लेख्नुभएको छ-
माननीय गगन थापाज्यू , दलको हिजो एक कार्यक्रममा,झोला बोकेर प्राध्यापक, कर्मचारी र विद्यार्थी विश्वविद्यालय छिर्न पाइँदैन भनेर त भन्नुभयो , नेपाली कांग्रेसको महामन्त्रीज्यूले नै भने पछि, काठमाडौं महानगर भित्रका सबै विद्यालय , शिक्षण संस्था , कार्यालय , सबै तिर काङ्ग्रेस पार्टीको कुनै पनि भातृ सगठन नभएको घोषणा गर्दछौँ । बोलेको कुरा , पुरा गर्नुहोला माननीय ज्यू ।
थापाले सोमबार राजधानीमा आयोजित एक कार्यक्रममा दलको झोला बोकेर प्राध्यापक, कर्मचारी र विद्यार्थी विश्वविद्यालय छिर्न नपाउने व्यवस्था गर्नुपर्ने बताउनु भएको थियो ।
