काठमाडौं । प्रधानमन्त्री पुष्पकमल दाहाल प्रचण्डको आह्वानमा बसेको सत्ता गठबन्धनको बैठक जारी छ ।
प्रधानमन्त्री निवास बालुवाटारमा केहीबेरअघि बैठक सुरु भएको हो । बैठकमा जनमत पार्टीलाई सरकारमा सहभागी गराउने विषयमा छलफल भइरहेको बताइएको छ । साथै कोशी प्रदेशमा नयाँ सरकार गठनका विषयमा पनि छलफल जारी छ ।
प्रधानमन्त्री प्रचण्डले आइतबार जनमत पार्टीका अध्यक्ष डा सिके राउतलाई गठबन्धन दलसँग सहमति गरेर सरकारमा ल्याउने आश्वासन दिनुभएको थियो ।
गत पुस २४ गते मुख्यमन्त्री बनेका नेकपा (एमाले) संसदीय दलका नेता हिक्मतकुमार कार्कीले कोशी प्रदेशसभाको बैठकमा विश्वासको मत नपाएपछि प्रदेश प्रमुख परशुरा खापुङले नयाँ सरकार गठनका लागि प्रदेशसभाका दलहरुलाई आह्वान गर्नुभएको छ ।
तस्बिरः प्रधानमन्त्रीको सचिवालय
