काठमाडौं । प्रधानमन्त्री पुष्पकमल दाहाल प्रचण्डको आह्वानमा सोमबार दिउँसो सत्ता गठबन्धनको बैठक बस्दैछ ।
प्रधानमन्त्री निवास बालुवाटारमा हुने बैठकमा जनमत पार्टीलाई सरकारमा सहभागी गराउने विषयमा छलफल हुने बताइएको छ ।
प्रधानमन्त्री प्रचण्डले आइतबार जनमत पार्टीका अध्यक्ष डा सिके राउतलाई गठबन्धन दलसँग सहमति गरेर सरकारमा ल्याउने आश्वासन दिनुभएको थियो ।
अपराह्न हुने बैठकमा कोशी प्रदेशमा नयाँ सरकार गठनका विषयमा पनि छलफल हुने बताइएको छ । गत पुस २४ गते मुख्यमन्त्री बनेका नेकपा ९एमाले० संसदीय दलका नेता हिक्मतकुमार कार्कीले कोशी प्रदेशसभाको बैठकमा विश्वासको मत नपाएपछि प्रदेश प्रमुख परशुरा खापुङले नयाँ सरकार गठनका लागि प्रदेशसभाका दलहरुलाई आह्वान गर्नुभएको छ ।
९३ सदस्यीय कोशी प्रदेशसभामा बहुमत पुर्याउन ४७ सिटको आवश्यकता हुन्छ । नेपाली कांग्रेस, नेकपा ९माओवादी केन्द्र० र नेकपा ९एकीकृत समाजवादी० ले राष्ट्रिय प्रजातन्त्र पार्टी ९राप्रपा० लाई सरकारमा सहभागी गराउन खोजेका छन् ।
यसअघि हिक्मत सरकारमा सहभागी भएको राप्रपाले एमालेसँगको गठबन्धन नछोडेको अवस्थामा विपक्षी गठबन्धनलाई सरकार बनाउन सकस हुनेछ ।
प्रदेशमा एमालेको ४० र राप्रपाको ६ गरी ४६ सांसद छन् । नेपाली कांग्रेसको २९, माओवादीको सभामुखबाहेक १२ सीट, नेकपा एसको ४ र जसपाको १ गरी गठबन्धनसँग पनि ४६ नै सीट छ ।
