एजेन्सी । बलिउड अभिनेत्री दिशा पटानी र अभिनेता टाइगर श्राफ दिल्लीको एक कार्यक्रममा सँगै देखिएका छन् । ब्रेकअपपछि दिशा–टाइगर पहिलो पटक सार्वजनिक रूपमा सँगै देखिन लागेका हुन् ।
यस सम्बन्धमा एउटा भिडियो पनि सामाजिक सञ्जालमा आएको छ । रिपोर्टका अनुसार दिशा र टाइगर कार्यक्रममा सहभागी हुन मुम्बईबाट दिल्ली पुगेका थिए ।
भिडियोमा दिशा र टाइगर कार्यक्रममा एकअर्काको छेउमा बसेर कुराकानी गरिरहेको देखिन्छ । यस बाहेक दिशा र टाइगर एयरपोर्ट पुगेकाु भिडियो पनि सामाजिक सञ्जालमा भाइरल भएको छ । तर, दुवैले पापाराजीलाई फरक–फरक पोज दिएका छन् । टाइगरले क्यामेराको लागि पोज दिँदा दिशा पछाडि उभिरहेकी थिइन् । टाइगरपछि दिशा क्यामेराको अगाडि आइन् र पोज दिइन् ।
गत महिना टाइगर श्राफले सामाजिक सञ्जालमा एक नोट लेखेर दिशा पटनीलाई जन्मदिनको शुभकामना दिएका थिए । दिशा अब करण जोहरको एक्शन फिल्म योद्धामा सिद्धार्थ मल्होत्राको अपोजिटमा देखिनेछिन् । फिल्म २०२३ मा रिलिज हुनेछ । यस बाहेक दिशाले निर्देशक सिरुथाई शिवको फिल्मबाट तमिलमा डेब्यु गर्न लागेकी छिन् । यस फिल्ममा दिशा सुर्याको अपोजिटमा देखिनेछिन् ।
