काठमाडौँ । आफ्नो शर्तप्रति प्रधानमन्त्री पुष्पकमल दाहाल प्रचण्ड सरकारात्मक हुनुभएपछि जनमत पार्टी सरकारमा जान सकरात्मक देखिएको छ ।
आइतबार बिहान जनमतका अध्यक्ष डा सिके राउतले प्रधानमन्त्री प्रचण्डलाई भेटेर तीन शर्त राख्नुभएको थियो । उहाँले प्रधानमन्त्री प्रचण्डसँग बजेट, मधेस प्रदेशमा बिना विभागीय बनाइएका आफ्ना दुई मन्त्री र संघमा मन्त्रीका विषयमा कुराकानी गर्नुभएको थियो ।
उहाँहरुबीच बजेट गरिएको असमानता हटाउने, मधेसमा बिना विभागीय मन्त्री बनाइएकालाई जिम्मेवारी दिने र केन्द्रको मन्त्रालयका विषयमा छलफल भएको थियो । ती मागप्रति प्रधानमन्त्री सकारात्मक भएसँगै जनमत पार्टीले सरकारमा जाने तयारी गरेको छ ।
प्रधानमन्त्री प्रचण्डले माओवादी केन्द्रबाट मन्त्री भएकामध्येबाट एकलाई फिर्ता बोलाएर जनमतलाई सरकारमा ल्याउने तयारीमा हुनुहुन्छ । सो बारे आइतबार अपराह्न ४ बजे सत्ता पक्षीय दलको बैठकले जनमत पार्टीलाई सरकारमा ल्याउने निर्णय गर्न सक्ने बताइएको छ ।
गत पुस १० गते बनेको एमाले–माओवादी गठबन्धनमा जनमत पार्टीले खानेपानी मन्त्रालय पाएको थियो तर उक्त मन्त्रालयप्रति असन्तुष्टि राख्दै आएको जनमत पुरानो गठबन्धन ब्युँतिएपछि सरकारबाट बाहिरिएको थियो ।
