मनाङ । मनाङको सदरमुकाम चामेमा बाढीले एक पक्की घरसहित ४ टहरा पूर्णरुपमा क्षतिग्रस्त भएको छ । अविरल वर्षाका कारण आएको बाढीले एक घरमा आंशिक क्षति पुगेको र ४० घर प्रभावित भएको हो।
डुबानमा परेको र क्षति पुगेका घरबाट मानिस र सामानलाई सुरक्षित स्थानमा लगिएको छ । शनिबार दिउँसोदेखि मौसममा सुधार आएको हुँदा थप क्षति नहुने अनुमान गरिएको छ ।
स्थानीय खोलामा आएको बाढीले सदरमुकाम चामेमा एक पक्की घरसहित चार टहरामा पूर्ण क्षति पुगेको हो । ३८ घरमा बाढीले ल्याएको गेग्र्यान, बालुवा, ढुंगा तथा माटोसहितको लेदो पसेर बस्न नहुने अवस्था भएको प्रहरी नायव उपरीक्षक सुवास खड्काले जानकारी दिनुभयो।
उहाँका अनुसार जिल्ला सदरमुकाम रहेको चामे गाउँपालिका–४ स्थित नयाँबजारको घट्टेखोलामा अचानक पानीको बहाव बढ्न गई सोही स्थानमा रहेको पक्की पुललाई काठ, ढुंगा र माटोले पुरी उक्त खोलाको पानी नयाँबजारतर्फ पसेको थियो ।
