काठमाडौ । चिनियाँ अर्बपति ज्याक मा नेपालको तीनदिने भ्रमणपछि आज पाकिस्तानको लागि उडेका छन् ।
हङकङ बिजनेश एभिएसनको जहाज चार्टर्डमार्फत उनी बिहान ११:२५ को फ्लाइटमा लाहोर उडेका त्रिभुवन अन्तर्राष्ट्रिय विमानस्थलका प्रवक्ता टेकनाथ सिटौलाले जानकारी दिए ।
उनी मंगलबार दिउँसो आठ जनाको टोलीसहित निजी विमानमार्फत काठमाडौं आएका थिए। उनीहरू चीनबाट ढाका हुँदै काठमाडौँ आएका थिए ।
उनले काठमाडौंको कालिमाटी तरकारी बजार, ठमेल, भक्तपुर दरबार स्क्वायरलगायत ठाउँको अवलोकन गरेका थिए।
ज्याक मा विश्वचर्चित कम्पनी अलिबाबाका संस्थापक तथा कार्यकारी अध्यक्ष हुन् । साथै, उनी विश्वचर्चित पत्रिका फोर्ब्सको आवरण कथा छापिने पहिलो चिनियाँ उद्यमी पनि हुन् ।
