एजेन्सी । अमेरिकाको ओरेगनस्थित एक बालिका टिकटकमा फायर च्यालेन्जभिडियो बनाउन खोज्दा जल्न पुगेकी छन् ।
डेस्टिनी क्रेन नामकी १३ वर्षीया बालिकालाई अहिले आईसियुमा उपचाररत छिन् । उनको घाँटी र पाखुरा जलेको छ ।
उनकी आमाका अनुसार पोर्टल्यान्डस्थित घरमा डेस्टिनी बाथरुममा टिकटक भिडियो खिच्दै थिइन् । त्यहीक्रममा आगलागीमा परेकी हुन् ।
यो घटना १४ मेमा घटेको थियो, उनकी दिदी र साथी पनि घटनास्थलमा थिइन् । उनकी साथी चिच्चाइरहेकी थिइन् । उनी टिकटक बनाउँदै थिइन् ।
डेस्टिनी एउटा त्यस्तो भिडियोको नक्कल गर्दै थिइन् । जहाँ, बाथरुमको ऐनामा एक मानिसले हेयरस्प्रे छर्छन् र त्यसपछि स्प्रे गरिएको ठाउँमा मैनबत्तीको सहायताल आगो लगाउँछन् । अनि बत्ती निभाउँछन् । अध्येंरोमा वर्गाकार आकारमा फैलिएको आगोको रंग निलो देखिन्छ ।
पोटल्यान्ड फायर एन्ड रेस्क्युको टोलीले तत्कालै यी बालिकालाई उद्धार गरेको थियो ।
