एजेन्सी । पुजा–पाठमा सुपारीको विशेष महत्व छ । हिन्दू धर्ममा यसलाई पूजायोग्य मानिन्छ । पुजाको सुपारीमा जनै चढाएर पूजा गर्दा अखण्ड सुपारी गौरी–गणेशको रूप बन्छ । सुपारी लगभग हरेक धार्मिक कार्यमा प्रयोग गरिन्छ । यसका साथसाथै ज्योतिषशास्त्रमा केही निश्चित र सहज उपायहरू पनि बताइएका छन् । जसले गर्दा मानिसको सुतेको भाग्य जाग्छ ।
बेसार, अबिर र चामल सुपारीमा मोली बेरेर कुनै पनि बिहीबार विष्णु–लक्ष्मी मन्दिरमा लुकाउनुहोस् । जसका कारण अविवाहित युवतीको विवाह चाँडै हुने सम्भावना रहन्छ । जब सम्बन्ध पक्का हुन्छ, तब विवाहसम्म उक्त सुपारी घरमा राख्नुपर्छ । त्यसपछि यसलाई नदी वा पोखरीमा विसर्जन गर्नुहोस् ।
आर्थिक संकटबाट छुटकारा पाउन सुपारीको प्रयोग गर्न सकिन्छ । यसका लागि गणेशजीको पुजा गरेपछि रातो कपडामा सुपारी बेरेर तिजोरी वा पैसाको स्थानमा राख्नुहोस् । यस उपायले तपाई पक्कै आर्थिक समस्याबाट मुक्ति पाउनुहुनेछ । सुपारीले आँखाको दोष पनि हटाउँछ । यदि घरको कुनै सदस्यलाई नराम्रो नजर लागेको छ भने त्यस व्यक्तिको टाउकोबाट ७ पटक सुपारी निकालेर हवनकुण्डमा जलाउनुहोस् । यसले नराम्रो नजर हटाउँछ र आउने समस्याबाट बच्न सकिन्छ ।
यदि तपाईको कुनै काम लामो समयदेखि रोकिएको छ भने त्यसको लागि आफ्नो पर्समा एउटा सुपारी र दुईवटा ल्वांग राख्नुहोस् । काममा जाँदा मुखमा ल्वांग राखेर मन्दिरमा सुपारी चढाउनुपर्छ । यो उपाय गर्नाले रोकिएका सबै काम पुरा हुन थाल्छन् । अर्कोतर्फ चाँदीको भाँडोमा अबीर राखेर कुनै पनि पूर्णिमाका दिन पूजाघरमा सुपारी राखेमा घरमा छिटै शुभ कार्य हुने गर्दछ ।
