काठमाडौँ । प्रतिनिधिसभाको बैठक आज पनि जारी हुनेछ । विहान ११ बजे बस्ने तय भएको बैठकमा बिनियोजन विधेयक, २०८० अन्तर्गतका विभिन्न मन्त्रालयका विभिन्न शीर्षकहरुमाथिको छलफलका क्रममा उठेका प्रश्नहरुको सम्बन्धित मन्त्रीहरुले जवाफ दिनुहुने कार्यसूची छ ।
जसमा आजको बैठकमा रक्षा मन्त्रालय, संघीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय र स्वास्थ्य तथा जनसंख्या मन्त्रालयका मन्त्रीहरुले छलफलका क्रममा उठेका विषयमा जवाफ दिनुहुनेछ ।
साथै आजको बैठकमा परराष्ट्र मन्त्रालय, उर्जा, जलस्रोत तथा सिँचाइ मन्त्रालय, खानेपाने मन्त्रालय र श्रम, रोजगार तथा सामाजिक मन्त्रालयका मन्त्रीले पनि जवाफ दिनुहुनेछ । विनियोजन विधेयकमाथि उठेका प्रश्नहरुको जवाफ दिने क्रममा हिजोदेखि सुरु भएको हो ।
