काठमाडौँ । सांसद सोविता गौतम विश्वभरका युवा राजनीतिज्ञको प्रतिस्पर्धामा शीर्ष १५ मा पर्न सफल भएकी छन् ।
राष्ट्रिय स्वतन्त्र पार्टी (रास्वपा)की केन्द्रीय सदस्य समेत रहेकी सांसद गौतम विश्वरभरिका युवा राजनीतिज्ञ मध्येबाट ‘वान योङ वर्ल्ड पोलिटिसियन अफ द इयर’ को सर्ट लिस्टमा पर्न सफल भएकी हुन् । गौतम केही महिनादेखि सो प्रतिस्पर्धामा सहभागी हुँदै आएकी थिइन् ।
१८ देखि ३५ वर्षका नेताहरूलाई सर्टलिस्ट गर्ने वान वर्ल्डले सोभिता गौतमलाई २७ वर्षमा सांसद भएकी नेपालको इतिहासकै सबैभन्दा कान्छी सांसद भएको उल्लेख गरेको छ ।
भ्रष्टाचार विरुद्धको गौतमको अभियान र लोकप्रियताकै कारण राष्ट्रिय स्वतन्त्र पार्टी देशको चौथो ठूलो पार्टी भएको पनि वान वर्ल्डले जनाएको छ । राजनीतिमा उनीहरूको प्रभावका आधारमा सर्टलिस्ट गरिएको हो । शीर्ष १५ मा रहेकामध्ये ५ जनालाई योङ वर्ल्ड पोलिटिसियन अफ द इयर अवार्ड प्रदान गरिनेछ ।
