काठमाडौँ । प्रतिनिधिसभामा आजदेखि आगामी आर्थिक वर्ष २०८०/८१ को विनियोजन विधेयकमाथिको मन्त्रालयगत छलफल सुरु हुने सम्भावित कार्यसूची छ ।
जसअनुसार जेठ ३२ गतेदेखि आगामी असार ८ गतेसम्म सम्बन्धित मन्त्रालयत, सचिवालय र कार्यालयगत शीर्षकमाथि छलफल हुनेछ भने असार १० गतेदेखि १२ गतेसम्म त्यसमाथि जवाफ दिने कार्यसूची छ ।
सम्भावित कार्यसूची अनुसार आजको बैठकमा वन तथा वातावरण मन्त्रालय, महिला, बालबालिका तथा ज्येष्ठ नागरिक मन्त्रालय, युवा तथा खेलकुद मन्त्रालय र शहरी विकास मन्त्रालयमा बिनियोजित बजेटमाथि छलफल हुनेछ ।
साथै विनियोजन विधेयक, २०८० अन्तर्गत उल्लेखित मन्त्रालयका विभिन्न शीर्षकहरुमाथि माननीय सदस्यहरुबाट खर्च कटौतीको प्रस्ताव प्रस्तुत हुने कार्यसूची छ ।
असार १ गते उद्योग, वाणिज्य तथा आपूर्ति मन्त्रालय, भूमि व्यवस्था, सहकारी तथा गरिबी निवारण मन्त्रालय र भौतिक पूर्वाधार तथा यातायात मन्त्रालयमा बिनियोजित बजेटमाथि छलफल हुनेछ भने असार ३ गते संघीय मामिला तथा सामान्य प्रशासन, संस्कृति तथा नागरिक उड्डयन र स्वास्थ्य तथा जनसंख्या मन्त्रालयमा बिनियोजित बजेटमाथि छलफल हुनेछ ।
कार्यसूचीअनुसार असार ४ गते सञ्चार तथा सूचना प्रविधि, परराष्ट्र र उर्जा, जलस्रोत तथा सिँचाइ मन्त्रालय, असार ५ गते खानेपानी मन्त्रालय, अर्थ मन्त्रालय, श्रम रोजगार तथा सामाािजक सुरक्षा मन्त्रालयका विषयमा छलफल हुनेछ । साथै असार ६ गते शिक्षा, विज्ञान तथा प्रविधि मन्त्रालय, कानून न्याय तथा संसदीय मामिला मन्त्रालय र कृषि तथा पशुपन्छी विकास मन्त्रालयमा बिनियोजित बजेटमाथि छलफल हुनेछ ।
सम्भावित कार्यसूची अनुसार असार ८ गते गृह मन्त्रालय, रक्षा मन्त्रालय र प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोगको सचिवालय, राष्ट्रिपतिको कार्यालय एवं उपराष्ट्रपतिको कार्यालयमा बिनियोजित बजेटमाथि छलफल हुनेछ ।
बिनियोजित बिधेयकमाथिल छलफल सकिएपछि जवाफ दिने कार्यक्रम सुरु हुनेछ
कार्यसूची अनुसार असार १० गते वन तथा वातावरण मन्त्रालय, महिला, बालबालिका तथा ज्येष्ठ नागरिक मन्त्रालय, युवा तथा खेलकुद मन्त्रालय र शहरी विकास मन्त्रालय, उद्योग, वाणिज्य तथा आपूर्ति मन्त्रालय, भूमि व्यवस्था, सहकारी तथा गरिबी निवारण मन्त्रालय, भौतिक पूर्वाधार तथा यातायात मन्त्रालय, संघीय मामिला तथा सामान्य प्रशासन मन्त्रालयमा बिनियोजित बजेटमाथि उठेका प्रश्नको जवाफ दिने कार्यसूची छ ।
साथै असार ११ गते संस्कृति तथा नागरिक उड्डयन मन्त्रालय, स्वास्थ्य तथा जनसंख्या मन्त्रालय, सञ्चार तथा सूचना प्रविधि मन्त्रालय, परराष्ट्र मन्त्रालय, उर्जा, जलस्रोत तथा सिँचाइ मन्त्रालय, खानेपानी मन्त्रालय, अर्थ मन्त्रालय, श्रम रोजगार तथा सामाािजक सुरक्षा मन्त्रालयमा बिनियोजित बजेटमाथि उठेका प्रश्नको जवाफ दिने कार्यक्रम छ ।
साथै असार १२ गते शिक्षा, विज्ञान तथा प्रविधि मन्त्रालय, कानून न्याय तथा संसदीय मामिला मन्त्रालय र कृषि तथा पशुपन्छी विकास मन्त्रालय, गृह मन्त्रालय, रक्षा मन्त्रालय र प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोगको सचिवालय, राष्ट्रिपतिको कार्यालय एवं उपराष्ट्रपतिको कार्यालयमा बिनियोजित बजेटमाथि उठेका प्रश्नको जवाफ दिने कार्यक्रम छ ।
