काठमाडौँ : प्रधानमन्त्री पुष्पकमल दाहाल प्रचण्डकी पत्नी सीता दाहाललाई सोमबार नर्भिक अस्पताल भर्ना गरिएको छ । लामो समयदेखि पार्किन्सनजस्तो देखिने जटिल रोगबाट पीडित सीतालाई अस्पताल भर्ना गरिएको प्रचण्डका स्वकीय सचिव रमेश मल्लले जनाउनु भएको छ ।
मल्लका अनुसार सीता दाहालको नियमित स्वास्थ्य परीक्षणका लागि नर्भिकमा भर्ना गरिएको हो । सामाजिक सञ्जाल फेसबुकमार्फत जानकारी दिँदै मल्लले ुप्रधानमन्त्रीका निजी चिकित्सक प्रा। डा। युवराज शर्मा तथा नर्भिक हस्पिटलका वरिष्ठ डाक्टरहरूले उहाँको स्वास्थ्य परीक्षण गरिरहनुभएको बताउनु भएको छ ।
सीतालाई विगतमा अमेरिका, भारतको मुम्बई र सिंगापुरमा उपचार गरिएको थियो, तर रोगको निदान र उपचार हुन सकेको छैन ।
