विराटनगर । प्रहरीले कोशी प्रदेशसभा घेर्न खोज्ने २३ जनालाई पक्राउ गरेको छ । प्रदेश सभाको बैठक अवरुद्ध गर्न खोज्ने उनीहरुलाई प्रहरीले विराटनगरका विभिन्न स्थानबाट पक्राउ गरेको हो ।
प्रदेश सभा सदस्यहरूलाई बैठकमा सहभागी हुन अवरोध पुर्याएको भन्दै संघीय लोकतान्त्रिक राष्ट्रिय मञ्चका उपाध्यक्ष सहितका नेता तथा कार्यकर्ताहरूलाई पक्राउ गरिएको छ ।
प्रदेशको बजेट अधिवेशन सुरु हुनुअघि आन्दोलनमा उत्रिएका एलभी फोर्सका १७ जना कार्यकर्तालाई विराटनगरबाट पक्राउ गरेको हो । प्रहरीले उनीहरूको साथबाट गुलेली लगायतका घरेलु हतियार समेत बरामद गरेको छ ।
प्रदेश नम्बर १ पुन नामकरण सङ्घर्ष समितिको आयोजनामा हुने भनिएको प्रदर्शनलाई मध्यनजर गर्दै शनिवार बाटै प्रदेश सभा सचिवालय आसपासका क्षेत्रमा निषेधाज्ञा जारी गरिएको छ भने सुरक्षामा कडाई गरिएको छ ।
