काठमाडौँ । नक्कली भुटानी शरणार्थी प्रकरणमा प्रतिवादी बनाइएकाहरुको बयान आजदेखि न्यायाधीश समक्ष सुरु हुने भएको छ । प्रहरीले उक्त प्रकरणमा ३० जनाविरुद्ध विभिन्न पाँच अभियोगमा जिल्ला अदालत काठमाडौँमा मुद्दा दर्ता गरिसकेको छ ।
बुधबार दर्ता भएको उक्त मुद्दामा १६ जना पक्राउ परेका छन् भने १४ फरार अवस्थामा छन् । जसमा पूर्वउपप्रधानमन्त्री, पूर्वगृहमन्त्री, सचिवलगायतका व्यक्तिहरु समेत छन् ।
उनीहरुको आजदेखि न्यायाधीश समक्ष बयान दिनेछन् । बयान सकिएपछि थुनछेकको बहस सुरु हुनेछ । थुनछेकको बहसपछि प्रतिवादीहरूलाई थुनामा राख्ने वा धरौटीमा रिहा गर्ने भन्ने आदेश हुनेछ ।
