काठमाडौं । लुम्बिनी प्रदेशको मन्त्रिपरिषद् विस्तार आज हुँदै छ । प्रदेशका मुख्यमन्त्री डिल्लीबहादुर चौधरीले आज सत्ता गठबन्धनबाट नेपाली कांग्रेस, जसपा र जनमतका एक/एक जनालाई थपेर मन्त्रिपरिषद् विस्तार गर्न लागेका हुन् ।
नयाँ मन्त्रीको रुपमा नेपाली कांग्रेसबाट दाङ क्षेत्र नम्बर २(१)का राजु खनाल, जसपाबाट अहिर बाँके क्षेत्र नम्बर २ (१)का भण्डारीलाल अहिर र जनमत पार्टीबाट रुपन्देही ५ (२)का चन्द्रकेश गुप्ता नियुक्त हुने बताईएको छ ।
लुम्बिनी प्रदेश सरकारमा हाल माओवादीबाट धनबहादुर मास्की अर्थमन्त्री, लोसपाबाट सन्तोषकुमार पाण्डेय र नागरिक उन्मुक्ति पार्टीका धर्मबहादुर चौधरी विनाविभागीय मन्त्री छन् ।
यसअघि, मुख्यमन्त्री चौधरीले गत १५ वैशाखमा शपथग्रहण गर्दै चार सदस्यीय मन्त्रिपरिषद् गठन गरेका थिए ।
