काठमाडौँ । नेकपा(एमाले)का सचेतक महेश बर्तौलाले सरकारले प्रश्तुत गरेको निति तथा कार्यक्रमले देशलाई दिशानिर्देश गर्न नसक्ने बताउनु भयो । निति तथा कार्यक्रम पुर्नलेखन गर्नुपर्ने आफ्नो पार्टीको धारणा रहेको उहाँले स्पष्ट पार्नुभयो ।
आईतवार नयाँ बानेश्वरस्थित संघीय संसद भवनमा सञ्चारकर्मीहरु सँग कुराकानी गर्दै उहाँले भन्नुभयो – ‘अहिलेको सरकारले प्रस्तुत गरेको निति तथा कार्यक्रमले देशलाई दिशानिर्देश गर्न सक्दैन । देशलाई लान सक्ने, पहिल्याउन सक्ने बाटो के हो भन्नेकुरा पहिचान यो नीति तथा कार्यक्रममा छैन । यसै विषयमा उहाँले महत्वपूर्ण विषय राख्नुभएको छ । यो निति तथा कार्यक्रमलाई जस्ताको तस्तै स्वीकार गर्ने अवस्था छैन । यसलाई पुनःलेखन गरिनुपर्छ भनेका छौँ ।’
