एजेन्सी । विराट कोहलीले बिहीबार सनराइजर्स हैदरावादविरुद्ध शतक प्रहार गर्दै इतिहास रचेका छन् । उनी आईपीएलमा सर्वाधिक शतक बनाउने भारतीय खेलाडी बनेका छन् । योसँगै कोहलीले क्रिस गेलको आर्इपीएलमा सर्वाधिक ६ शतक प्रहार गर्ने कीर्तिमान पनि बराबरी गरेका छन् ।
कोहलीका लागि ‘१८’ नम्बर निकै विशेष रहेको छ । १८ मे अर्थात बिहीबार उनले हैदरावादविरुद्ध शतक प्रहार गरेका थिए । यसअघि पनि १८ मेमा नै उनले आईपीएलमा शतक बनाएका थिए । यति मात्र होइन, कोहलीको जर्सी नम्बर पनि ‘१८’ हो । यस बाहेक उनको जीवनमा यो संख्यासँग अन्य धेरै कुरा जोडिएका छन् । यसको बारेमा कोहली आफैंले बताए ।
कोहलीले एक कार्यक्रममा खुलासा गरे कि सुरुमा १८ उनलाई दिइएको संख्या मात्र थियो, तर वर्षौंको अवधिमा यो संख्याले उनको जीवनसँग ‘लक्की कनेक्शन’ बनाएको छ ।
कोहलीले भने–इमानदारीपूर्वक भन्नुपर्दा, १८ एक नम्बरको रूपमा सुरु भयो जुन मलाई दिइएको थियो जब मैले पहिलो पटक मेरो नाम र नम्बर भएको भारत यू–१९ जर्सी देखेँ । तर यो मेरो जीवनमा धेरै महत्त्वपूर्ण नम्बर भयो । मैले भारतका लागि १८ अगस्ट (२००८) मा डेब्यु गरेँ । मेरो बुबा पनि डिसेम्बर १८, २००६ मा बित्नुभयो । मेरो जीवनको सबैभन्दा महत्त्वपूर्ण दुई क्षणहरू १८ मा भयो । यसअघि नै नम्बर पाएको भए पनि यो नम्बर र यो मितिमा केही सम्बन्ध छ जस्तो लाग्छ ।’
