एजेन्सी । इन्डियन प्रिमियर लिग (आईपीएल) अन्तर्गत आज लिग चरणको ६६ औं खेल पञ्जाव किंग्स र राजस्थान रोयल्सबीच हुँदैछ ।
खेल धर्मशालास्थित हिमाचल प्रदेश क्रिकेट एसोसिएसन स्टेडियममा साँझ ७ः४५ बजे सुरु हुनेछ । दुवै टोली पहिलो पटक धर्मशाला मैदानमा आमनेसामने हुँदैछन् ।
पञ्जावले यो सिजन अहिलेसम्म १३ खेल खेलेको छ । जसमा उसले छ जित र सात खेलमा हार बेहोरेको छ । टोलीको हाल १२ अंक छ । राजस्थानविरुद्धको टोलीका ४ विदेशी खेलाडी लियाम लिभिङस्टोन, साम करन, कागिसो रबाडा र नाथन एलिस हुन सक्छन् । यी बाहेक शिखर धवन, जितेश शर्मा र अर्शदीप सिंह जस्ता खेलाडी उत्कृष्ट लयमा छन् ।
राजस्थानले यो सिजन अहिलेसम्म खेलेका १३ खेलमध्ये ६ मा जित र ७ मा हार बेहोरेको छ । टोलीको १२ अंक छ । पञ्जावविरुद्धको टोलीका ४ विदेशी खेलाडी जोस बटलर, जो रुट, शिमरोन हेटमायर र एडम जाम्पा हुन सक्छन् । यिनीहरुका अलावा यशस्वी जैसवाल, युजवेन्द्र चहल र सञ्जु सामसनले टिमका लागि उत्कृष्ट प्रदर्शन गरिरहेका छन् ।
हेड टु हेडको कुरा गर्ने हो भने पञ्जाव र राजस्थानबीच हालसम्म जम्मा २५ खेल खेलिएको छ । यी १४ खेलमा राजस्थान र ११ खेल पञ्जावले जितेको छ ।
धर्मशालाको पिचमा नयाँ बल फास्ट बलरका लागि स्विङ हुने सम्भावना छ । यस मैदानमा ब्याट्सम्यानहरू रन बनाउन प्रायः संघर्ष गरिरहेको देखिन्छ । साथै, यो मैदान बलरका लागि उपयोगी साबित हुन्छ । तर यहाँको अन्तिम खेलमा दिल्ली क्यापिटल्सले २१४ रन बनाएको थियो, जवाफमा पञ्जाव पनि २०० रनको नजिक पुगेको थियो । यस्तो अवस्थामा आज पनि हाई स्कोरिङ म्याच देख्न सकिन्छ ।
शुक्रबार धर्मशालाको मौसम सफा रहनेछ । पानी पर्ने सम्भावना छैन । तापक्रम २३ देखि ३४ डिग्री सेल्सियसको बीचमा रहनेछ ।
दुबै टिमका सम्भावित सुरुवाती–११
पञ्जाव किंग्सः शिखर धवन (कप्तान), अथर्व तायडे, लियाम लिभिङस्टोन, जितेश शर्मा (विकेटकिपर), साम करन, हरप्रीत ब्रार, शाहरुख खान, राहुल चाहर, कागिसो रबाडा, नाथन एलिस र अर्शदीप सिंह ।
राजस्थान रोयल्सः सञ्जु सामसन (कप्तान / विकेटकीपर), जोस बटलर, यशस्वी जैसवाल, जो रुट, ध्रुव जुरेल, शिमरोन हेटमायर, आर अश्विन, एडम जाम्पा, सन्दीप शर्मा, केएम आसिफ र युजवेन्द्र चहल ।
