काठमाडौं । नक्कली भुटानी शरणार्थी प्रकरणमा जोडिएपछि नेपाल हज समितिका अध्यक्ष शमशेर मियाँ सम्पर्कविहीन भएका छन् ।
मक्का मदिनामा जाने हजयात्राको कार्यतालिका बनाउने समयमा अध्यक्ष नै कार्यालयमा अनुपस्थित भएपछि यस पटकको हजयात्रामा भद्रगोल हुने आशंका मुस्लिम नेताहरुले गरेका छन् । अर्घखाँची घर भएका मियाँ भुटानी शरणार्थी प्रकरणमा पक्राउ परेका पूर्वमन्त्री टोपबहादुर रायमाझीको निकट व्यक्तिका रुपमा रहेका थिए ।
यो प्रकरणमा रायमाझीको नाम आए लगत्तै मियाँ सम्पर्क बिहिन भएका हुन्। यस अघि पनि मियाँलाई हज यात्राका क्रममा अनियमिता गरेको, महगो शुल्क लिएर पनि गुणस्तरीय सेवा नदिएको आरोप लागेको थियो ।
यो पनि पढ्नुहोस – चर्को मूल्य तिरेर पनि सुविधा पाइन : हाजी,विरोधका लागि विरोध: हज कमिटिका अध्यक्ष मिया
नक्कली शरणार्थी बनाउने क्रममा चितवन जाँदा गृह मन्त्रालय अन्तर्गतको नेपाल हज समितिको सचिवालयको सबारी साधन प्रयोग भएको प्रहरीको उच्च स्रोतले जनाएको छ ।
