काठमाडौँ । प्रतिनिधिसभाको पहिलो अधिवेशनमा जम्मा ११ जना सांसदले शतप्रतिशत हाजिरी जनाएका छन् । पाँच महिनामा भएका २८ बैठकमा सांसद मनोरमा शेरचन र टेकबहादुर गुरुङ भने एक दिन पनि उपस्थित भएनन् । शेरचन बिरामी तथा गुरुङ भ्रष्टाचार मुद्दामा निलम्बित भएकाले उपस्थित नभएका हुन् ।
शतप्रतिशत उपस्थित हुनेमा कान्ति सेजुवाल, दिलेन्द्रप्रसाद बडु, देवराज घिमिरे, रघुजी पन्त, रामहरि खतिवडा, रक्मणी राना बराइली, विना लामा, विनिताकुमारी सिंह, संगीता मण्डल, हितराज पाण्डे, ज्ञानु बस्नेत हुनुहुन्छ ।
यसबीच प्रधानमन्त्री पुष्पकमल दाहाल १० पटक, नेपाली कांंग्रेसका सभापति शेरबहादुर देउवा १२ पटक र नेकपा एमालेका अध्यक्ष केपी शर्मा ओली १४ पटक हाजिर हुनुभएको छ । साथै नेकपा एकीकृत समाजवादीका अध्यक्ष माधवकुमार नेपाल २३ पटक हाजिर हुनुभएको छ ।
