काठमाडौँ । अर्थमन्त्री डा प्रकाशशरण महतले संघीय संसद अन्तर्गतको प्रतिनिधिसभामा उठेका प्रश्नहरुको आज जवाफ दिनुहुनेभएको छ । आगामी आर्थिक वर्षका लागि प्रस्तुत बजेटका सिद्धान्त तथा प्राथमिकतामाथि भएको छलफलका क्रममा उठेका प्रश्नहरु जवाफ दिनुहुनेछ ।
अर्थमन्त्री महतले सोमबार बजेटका सिद्धान्त र प्राथमिकता प्रस्तुत गरेपछि त्यसमाथि छलफल सुरु भएको थियो । छलफलमा विभिन्न सांसदहरुले सल्लाह, सझाव दिँदै प्रश्न समेत उठाउनुभएको थियो । सोही क्रममा उठेका प्रश्नको अर्थमन्त्रीले जवाफ दिनुहुनेछ ।
प्रतिनिधिसभाको आजको बैठक ११ बजेका लागि बोलाइएको छ । अर्थमन्त्रीले जवाफ दिइसकेपछि सरकारले नीति तथा कार्यक्रम प्रस्तुत गर्नेछ भने संवैधानिक व्यवस्था अनुसार आगामी जेठ १५ मा आगामी आर्थिक वर्षका लागि बजेट प्रस्तुत हुनेछ ।
