काठमाडौँ । संखुवासभाको भोटखोला ४ सिप्रुङको जिजिङ्खामा अप्पर अरुण हाइड्रोको सामान लाने क्रममा हेलिकप्टर दुर्घटनामा परेको छ ।
सिम्रिक एयरको हेलिकोप्टर दुर्घटना हुँदा ३ जना गम्भीर घाइते भएका छन् ।
पाइलट सुरेन्द्र पौडेल, को–पाइलट, टिम सदस्य छिरिङ भोटे (चेपुवा), स्थानीय भबिन गुरुङ घाइते भएका हुन् । उनीहरुलाई नेपाली सेनाको हेलिकोप्टरबाट उपचारको लागि काठमाडौँ ल्याइँदैछ ।
हेलिकप्टरको पंखा पहाडमा ठोक्किएर दुर्घटना भएको बताइएको छ । घटनास्थलमा नेपाली सेना, नेपाल प्रहरी र स्थानीयवासी उद्धारमा खटिएका छन् ।
