काठमाडौँ । चालु आर्थिक वर्ष २०७९/०८० को आर्थिक वृद्धिदर २.१६ प्रतिशत मात्र हुने प्रक्षेपण गरिएको ।
केन्द्रीय तथ्याङ्क कार्यालयले मंगलबार आर्थिक वर्ष २०७९/०८० को वार्षिक राष्ट्रिय लेखा अनुमान सार्वजनिक गर्दै चालु आर्थिक वर्षको अन्तसम्ममा उपभोक्तातर्फको आर्थिक वृद्धिदर १.८६ प्रतिशत र समष्टिगत आर्थिक वृद्धिदर २.१६ प्रतिशत रहने अनुमान गरेको हो ।
कार्यालयले आर्थिक वर्षको अन्तसम्ममा मुलुकको कुल गार्हस्थ्य उत्पादन (जीडीपी) ५३ खर्ब ८१ अर्ब पुग्ने जनाएको छ । यसअघि यस्तो कुल गार्हस्थ्य उत्पादनको आकार ४८ खर्ब हाराहारी रहेको थियो ।
