काठमाडौँ । जुम्लाको सदरमुकाम खलङ्गामा आज हुने भनिएको पूर्वराजा ज्ञानेन्द्र शाहको नागरिक अभिनन्दन प्रतिकूल मौसमका कारण हुन सकेन ।
खराब मौसमका कारणनेपालगञ्जबाट जुम्ला जान नसकेपछि पूर्वराजा शाहले आफू उपस्थित हुन नसके पनि आफ्नो स्वागतका लागि उत्साहपूर्वक उपस्थित भएका सर्वसाधारण र आयोजकप्रति कृतज्ञता प्रकट गर्नुभएको छ ।
पूर्वराजा शाह हाल नेपालगञ्जमा रहनु भएको छ । खराब मौसमका कारण जुम्ला जान नसकेपछि भ्रमण स्थगित भएको पूर्वराजा शाहको सचिवालयले जनाएको छ।
‘दिनभर नेपालगञ्ज र जुम्लाको मौसम प्रतिकूलताका कारण विमान उड्न नसकेकाले बाध्यतावस भ्रमण स्थगित हुन पुगेको छ,’ पूर्वराजा शाहको सचिवालयले जनाएको छ ।
