• १९ जेष्ठ २०८१, शनिबार
  •      Sat Jun 1 2024
  •   Unicode
Logo
Latest
★   ‘राष्ट्रनिर्माणमा दलित’ सार्वजनिक ★   नासाद्वारा सबैभन्दा टाढाको आकाशगङ्गा फेला परेको दावी ★   तनहुँलाई खेलकुद हबका रूपमा विकास गर्नुपर्छ: उपसभापति वाग्ले ★   टेस्ट मान्यताप्राप्त टिमलाई हराएर नेपाल पनि सक्षम छ भन्ने सन्देश दिने बेला भइसक्योः रोहित ★   अब छोराछोरीको कमाइको १० प्रतिशत बाबुआमालाई दिनुपर्छ: मन्त्री चौधरी ★   सिभिल सहकारीको सम्पत्ति हड्प्न सिभिल मलका मालिक लालकाजी र मिनाले मुद्दा हालेको पीडित बचतकर्ताहरुको आरोप ★   हमासको अन्त्य नभएसम्म गाजा युद्ध अन्त्य नहुने नेतान्याहुको दावी ★   भलिबलको लागि आवासीय कभर्ड हल बनाउनेछौँः मन्त्री श्रेष्ठ ★   एघार दिनपछि मनसुन भित्रिने पूर्वानुमान ★   राप्रपा भक्तपुर अध्यक्षमा कार्की निर्वाचित

वर्षाको कारणले खेल रद्द भए नेपाल सिधै फाइनलमा पुग्ने



काठमाडौं । एसिसी प्रिमियर कपको नेपाल र कुवेतबिचको सेमिफाइनल खेल वर्षाको कारण रोकिएको छ । जितको लागि २ सय ८२ रनको विशाल विजयी लक्ष्य पछ्याएको कुवेतले ८.३ ओभरमा ६ विकेट गुमाउँदै ३७ रन बनाउँदा भारी वर्षा हुँदा खेल रोकिएको हो ।

यस खेल वर्षाको कारण रद्द भएपनि नेपाल फाइनलमा पुग्ने भएको छ ।

खेलको लागि ५ः २४ सम्ममा कट अफ टाइम तोकिएको छ । सो समयमा खेल सकि सक्नु पर्नेहुन्छ । डकवर्थ लेविस पद्धति ( डिएलएस) को आधारमा पनि नजिता निकाल्न अझै १२ ओभर खेल्नुपर्ने हुन्छ। तर टियुमा भारी वर्षा सुरु भएसँगै खेल अन्योलमा परेको छ ।

साढे चार बजेसम्म खेल सुरु नभएमा बाँकी १२ ओभर खेल हुने सम्भावना देखिदैन । खेल हुन नसकेमा सुपर हुनुपर्छ । सुपर ओभर पनि पाँच बजेभित्र हुन सकेन भने नेपाल समूह विजेता भएकोले सिधै फाइनलमा पुग्नेछ । टियुमा भारी वर्षा हुँदा खेल हुने सम्भावना कम देखिन्छ । त्यसैले नेपाल फाइनलमा पुग्ने उच्च सम्भावना रहेको छ ।

नेपाललाई तीव्र गतिका बलर करण केसीले पहिलो ओभरको पाँचौं बलमा पहिलो सफलता दिलाएका थिए । ओपनर आदनान इद्रिस एज लागेर विकेटकिपर आसिफ शेखबाट क्याच आउट भए । दोस्रो ओभरको तेस्रो बलमा सोमपाल कामीले अर्का ओपनर परविन्दर कुमारलाई एक रनमा एलबीडब्लू आउट गरे । करण केसीको तेस्रो ओभरको चौथो बलमा मिडअनमा ललित नारायण राजवंशीले एक हातले उत्कृष्ट क्याच लिएपछि कुवेत ११–३ को दयनीय अवस्थामा पुगेको थियो ।

करण केसीले ४.३ ओभरमा १ मेडनसहित १० रन खर्चेर ५ विकेट लिएका छन् । उनले पाँचौं ओभरको पाँचौं बलमा ओपनर रविजा सनदरुवान डीप स्क्वायर लेगमा दीपेन्द्रसिंह ऐरीबाट ९ रनमा क्याच आउट गराए । करणले नै शिराज खानलाई ३ रनमा क्याच गराएपछि कुवेत ६.३ ओभरमा २२-५ को दयनीय अवस्थामा पुगेको थियो । कप्तान मोहम्मद अस्लामलाई १४ रनमा क्याच गराउँदै करणले ब्यक्तिगत पाँच विकेट पूरा गरेका छन् ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको नेपालले निर्धारित ४२ ओभरमा ९ विकेट गुमाउँदै २ सय ८१ रन बनाएको थियो । वर्षाको कारण ओभर ८–८ घटाइएको थियो ।