एजेन्सी । साउथ अभिनेता अल्लु अर्जुन आफ्नो आगामी फिल्म ‘पुष्पा २’ लाई लिएर चर्चामा छन् । केही समयअघि अल्लुले शाहरुख खानको फिल्म ‘जवान’को अफर अस्वीकार गरेको खबर आइरहेको थियो तर यही बीचमा उनको नाम फेरि एकपटक फिल्म ‘जवान’लाई लिएर चर्चामा आएको छ ।
हिन्दी दर्शक लामो समयदेखि बलिउड फिल्ममा साउथका ‘पुष्पा’ अर्थात् अल्लुलाई हेर्न उत्सुक छन् । जब फिल्म जवानको सन्दर्भमा अल्लुको नाम सार्वजनिक भयो, फ्यानहरूको खुशीको कुनै ठाउँ रहेन, तर पछि अल्लुले यो फिल्म नगर्ने खबर पनि आउन थाल्यो । तर, पछिल्लो रिपोर्टमा अल्लु शाहरुखको फिल्म ‘जवान’ मा केमियो रोलमा देखिने र उनले गोप्य रुपमा केही दृश्यको सुटिङ पूरा गरिसकेको बताइएको छ ।
मिडिया रिपोर्टका अनुसार अल्लु विगतमा मुम्बई गएका थिए र अभिनेता त्यहाँ कुनै अन्य कामको लागि नभई फिल्मको क्यामियो शूटको लागि गएका थिए । समाचारका अनुसार यो फिल्मको टिजर इदको अवसरमा रिलिज हुनेछ, जसमा अल्लु अर्जुन पनि देखिनेछन् । यति मात्र होइन, यसै दिन भाइजान अर्थात सलमान खानको फिल्म ‘किसी का भाइ किसी की जान’ सिनेमाघरमा रिलिज हुँदैछ ।
यस फिल्ममा शाहरुख खान र नयनताराका अलावा विजय सेतुपति, प्रियमणी, योगी बाबु र सुनिल ग्रोवरजस्ता स्टारहरु पनि देखिनेछन् । फिल्म हिन्दी, तमिल, तेलुगु, मलयालम र कन्नड भाषाहरूमा रिलिज हुनेछ ।
