काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले पार्टीका सांसद ढाकाकुमार श्रेष्ठको अडियो प्रकरणबारे बुधबार दिउँसो २ बजे पत्रकार सम्मेलन गर्दै हुनुहुन्छ ।
पार्टीको पार्टीको अनुशासन आयोगले छानबिन गरी मंगलबार नै प्रतिवेदन बुझाएकोले बुधबार (आज) केन्द्रीय समिति बैठकबाट निर्णय हुने र बारे जानकारी दिन पत्रकार सम्मेलन गर्न लागिएको जनाइएको छ ।
ढाका कुमारको अडियो प्रकरणबारे निर्णय गर्न रास्वपाको केन्द्रीय समिति बैठक दिउँसो २ बजे बस्दैछ । पार्टी कार्यालय बसुन्धरामा बस्ने सोही बैठकबाट निर्णय हुनेछ । त्यसपछि पत्रकार सम्मेलन गरिने छ ।
रास्वपाका सांसाद ढाका कुमारले व्यवसायी दुर्गा प्रसाईंसँग २ करोड रकम मागेको अडियो सार्वजनिक भएको थियो । त्यसबारे छानबिन गर्ने जिम्मा रास्वपाले अनुशासन आयोगलाई जिम्मा दिएको थियो । ढाका कुमारले भने उक्त अडियोको आवाज आफ्नो नभएको दाबी गरेका छन् ।
