काठमाडौं । नेकपा एकीकृत समाजवादीका उपाध्यक्ष मुकुन्द न्यौपानेले पार्टी परित्याग गरेका छन् । शनिबार काठमाडौंमा एक पत्रकार सम्मेलन गर्दै उनले पार्टी त्याग गरेको घोषणा गरेका हुन् ।
‘भविष्य नभएको पार्टीको नेता हुनुभन्दा सम्मानित नागरिक भएर जिउनु जीवनको लागि महत्त्वपूर्ण कुरा हो’ उनले पार्टी परित्याग गरेको घोषणा गर्दै भने । उनले चैत २५ गतेदेखि एसको साधारण सदस्य समेत तथा सम्पूर्ण पार्टी जिम्मेवारी त्यागेको घोषणा गरेको हुन् ।
‘सत्ता गठबन्धनको सिमसार दलदलमा, पार्टी पद्धति र पक्रिया विपरीत दलमा नेताहरु फसे र पार्टीका बेठकमा छलफल, सरसल्लाह नगरी कोठे राजनीतिको चंगुलमा पार्टी नेतृत्व फस्यो’ उनले आरोप लगाए ।
