देउखुरी । लुम्बिनी प्रदेश सरकारबाट जनमत पार्टी पनि बाहिरिएको छ । यसअघि आजै नेकपा (माओवादी केन्द्र) सरकारबाट बाहिरिएको थियो । दुवै दलले आइतबार सरकारलाई दिएको फिर्ता लिने तयारी गरेका छन् । अन्य साना दलले सरकारलाई दिएको समर्थन फिर्ता लिने तयारी गरिरहेको बताइएको छ ।
लुम्बिनी प्रदेशमा अहिले नेकपा (एमाले) का लीला गिरी मुख्यमन्त्री हुनुहुन्छ । माओवादी केन्द्र, जनमत र जसपासहित अन्य साना दलले सरकारलाई दिएको समर्थन फिर्ता लिएपछि उहाँ अल्पमतमा पर्नुहुनेछ । यस्तो अवस्थामा उहाँसँग राजीनामा दिन वा विश्वासको मत लिने विकल्प रहने छ ।
मन्त्रीबाट माओवादी, जनमत र जसपाले आफ्ना प्रदेशसभा सदस्यहरुको हस्ताक्षरसहित नेपाली कांग्रेस संसदीय दलका नेता डिल्लीबहादुर चौधरीलाई मुख्यमन्त्रीमा नियुक्त गर्न आग्रह गर्दै आइतबार नै प्रदेश प्रमुखलाई निवेदन दिने बताइएको छ ।
गिरी नेकपा एमालेका २९, माओवादी केन्द्रका १०, राष्ट्रिय प्रजातन्त्र पार्टीका ४, नागरिक उन्मुक्ति पार्टीका ४, जसपाका ३, जनमत पार्टीका ३ जना, लोकतान्त्रिक समाजवादी पार्टीका ३ जना र स्वतन्त्र २ गरि प्रदेशसभाका १० मध्ये ७ दलका ५६ जना र २ स्वतन्त्र गरी ५८ सांसदको समर्थनमा मुख्यमन्त्री नियुक्त हुनुभएको थियो ।
सो समयमा नपाली कांग्रेसका २७, नेकपा (एकीकृत समाजवादी) र राष्ट्रिय जनमोर्चाका १–१ संसदले भने समर्थ गरेका थिएनन्।
