काठमाडौं । बंगलादेशमा जारी साफ यू–१७ महिला च्याम्पियनसिप फुटबल प्रतियोगिताको तेस्रो खेलमा नेपालले आज रसियाको सामना गर्दैछ ।
ढाकास्थित बीएसएसएस मोस्ताफा कमल स्टेडियममा हुने नेपाल र रसियाबीचको खेल नेपली समय अनुसार बेलुकाको ७ बजे सुरु हुनेछ ।
नेपाल आज रसियालाई हराउँदै प्रतियोगितामा दोस्रो जित निकाल्न चाहन्छ । पहिलो खेलमा नेपाल भारतसँग ४-१ गोल अन्तरले पराजित भएको थियो । यस्तै, दोस्रो खेलमा नेपालले भुटानलाई ५-० ले हराएको थियो ।
रसियाले पहिलो खेलमा बंगलादेश र दोस्रो खेलमा भुटानलाई हराएको थियो ।
प्रतियोगितामा आयोजक बंगलादेश, नेपाल, भारत, भुटान र रसियाको सहभागिता रहेको छ ।राउण्ड रोबिनको आधारमा हुने प्रतियोगितामा नेपाल २ खेलमा ३ अंक जोडेर चौंथो स्थानमा रहेको छ ।
