कर्णाली । दैलेखमा ग्यास सिलिन्डर बोकेको ट्रक दुर्घटना हुँदा ३ जनाको घटनास्थलमै मृत्यु भएको छ ।
बुधवार मनकामना ग्यास सिलिन्डर बोकेको भे १ ख २२०१ नम्बरको ट्रक गुराँस गाउँपालिका ४ तालपोखरीमा दुर्घटना भएको हो ।
दुर्घटना परी चालक कृष्ण चौधरी, लक्षिराम चौधरी र विष्णु चौधरीको मृत्यु भएको जिल्ला प्रहरी कार्यालय दैलेखले जनाएको छ ।
दुर्घटनामा सहचालक प्रकाश कुमाई घाइते भएका छन् । प्रहरीको अनुसार ट्रक सडकबाट अन्दाजी १ सय ५० मिटर तल खसेको थियो ।
