काठमाडौँ । नेकपा (एकीकृत समाजवादी) ले सरकारमा जाने तयारीका लागि कार्यदल गठन गरेको छ ।
मंगलबार बसेको केन्द्रीय सचिवालयको बैठकले अध्यक्ष माधवकुमार नेपाल, उपाध्यक्ष प्रमेश हाल र महासचिव घनश्याम भुसाल रहेको कार्यदल गठन गरेको र उक्त कार्यदलले सरकार गठनको समग्र प्रक्रियामा गृहकार्य गर्नेछ ।
कस्तो नीति तथा कार्यक्रम र कस्तो हिस्सेदारीमा सरकारमा जाने भन्नेबारे बैठकमा छलफल भएको पार्टी उपमहासचिव जगन्नाथ खतिवडाले बताउनुभयो । उहाँका अनुसार कार्यदलले गठबन्धनका अन्य दलसँग पनि छलफल गर्नेछ । साथै कार्यदलले एकीकृत समाजवादीका तर्फबाट सरकारमा कसलाई पठाउने भन्नेबारे पनि छलफल गर्नेछ ।
