काठमाडौँ । प्रधानमन्त्री पुष्पकमल दाहाल ‘प्रचण्ड’ले आफूले प्रधानमन्त्रीका रूपमा जिम्मेवारी सम्हालेको छोटो समयमा नै आर्थिक परिसूचकहरू सकारात्मक दिशातिर गइरहेको बताउनुभएको छ ।
सोमबार प्रतिनिधिसभा बैठकमा विश्वासको मत प्रस्ताव पेस गर्नुहुँदै प्रधानमन्त्री प्रचण्डले यस्तो बताउनुभएको हो ।
पुस ११ पछि सरकारको जिम्मेवारी लिएयता आफूले गरेको सुधारका प्रयासबारे जानकारी दिँदै उहाँले सरकारले चालेका सकारात्मक कदमका कारण अर्थतन्त्रका क्षेत्रमा देखिएका चुनौतीको सामना गर्दै आगामी दिनमा मूल्य वृद्धि हुन नदिने प्रतिबद्धता व्यक्त समेत व्यक्त गर्नुभयो ।
यस्तै, आफ्नो कार्यकालमा अनावश्यक खर्च कटौती भएको भन्दै सार्वजनिक सेवामा गुणस्तर देखिने गरी सुधारका काम सुरु भएको उहाँको भनाई छ ।
