काठमाडौँ । प्रधानमन्त्री पुष्पकमल दाहाल प्रचण्डले आफूलाई विश्वासको मतका लागि यति छिट्टै संसदसँग अनुरोध गर्ने अवस्था आउला भन्ने नसोचेको बताउनु भएको छ ।
तेस्रोपटक प्रधानमन्त्री भएको तेस्रो महिनामा नै दोस्रोपटक प्रतिनिधि सभामा विश्वासको मतको प्रस्ताव राख्नुहुँदै उहाँले यस्तो बताउनु भएको हो ।
सत्ता साझेदार दलहरुबीच कुनै नीतिगत भिन्नता नभएको र व्यक्तिगत सम्बन्ध पनि सुमधुर भएकै अवस्थामा दोस्रोपटक विश्वासको मत लिनुपर्ने अवस्था आएको प्रधानमन्त्रीको भनाई छ ।
यस्तै, राष्ट्रपति निर्वाचनमा राष्ट्रिय सहमतिको प्रस्तावपछि एमाले र राप्रपाले समर्थन फिर्ता लिएकाले पुनः विश्वासको मत लिनुपरेको जनाउँदै समर्थन फिर्ता लिने निर्णयको प्रतिरक्षा सम्बन्धित दलले नै गर्ने बताउनुभयो ।
