काठमाडौँ । आईसीसी विश्वकप क्रिकेट लिग टू अन्तर्गत त्रिकोणात्मक सिरिजको अन्तिम खेलमा युएईले नेपाललाई जितको लागि ३११ रनको लक्ष्य दिएको छ ।
कीर्तिपुरस्थित टियु क्रिकेट मैदानमा टस जितेर पहिले ब्याटिङ रोजेको युएईले निर्धारित ५० ओभरमा ६ विकेटको क्षतिमा ३१० रन बनायो । युएईका लागि आसिफ खानले शतक बनाए । उनले ४१ बलमा १०० रन पूरा गरे । यो सँगै आसिफ ओडिआईमा सर्वाधिक कम बलमा शतक प्रहार गर्ने चौथो खेलाडि बने । उनी १०१ रनमा अविजित रहे ।
यस्तै, युएईका कप्तान मोहम्मद वासिम, वृत्य अरविन्दले पनि अर्धसतक प्रहार गरे । अरविन्द १३८ बलमा ९४ रन बनाएर आउट भए भने वासिम ४९ बलमा ६३ रन बनाएर आउट भए । रोहन मुस्तफा २० रन बनाएर आउट भए ।
नेपालको लागि दिपेन्द्र सिङ ऐरीले २ विकेट लिए भने सन्दीप लामिछाने, ललित राजवंशी र सोमपाल कामीले एक एक विकेट लिएका छन् ।
