काठमाडौँ । प्रधानमन्त्री पुष्पकमल दाहाल ‘प्रचण्ड’ ले चैत ६ गते (सोमबार) विश्वासको मत लिनुहुने भएको छ ।
माओवादी केन्द्रका अध्यक्ष प्रचण्ड पुस १० गते एमाले लगायतको समर्थनमा प्रधानमन्त्रीमा नियुक्त हुनुभएको थियो । उहाँले पुस २६ गते विश्वासको मत लिनुभएको थियो । उहाँलाई संसद बैठकमा उपस्थित २७० सांसदमध्ये २६८ जनाले विश्वासको मत दिएका थिए ।
तर, कांग्रेस नेतृत्वमा नयाँ गठबन्धन बनेसँगै प्रचण्ड सरकारबाट एमाले, रास्वपा र राप्रपा बाहिरिएका छन् । एमाले र राप्रपाले सरकारलाई दिएको समर्थन फिर्ता लिएपछि पधानमन्त्री दाहालले पुनः विश्वासको मत लिन लाग्नुभएको हो ।
एमाले र राप्रपाले प्रधानमन्त्रीमाथिको समर्थन फिर्ता लिँदा रास्वपाले भने समर्थन कायमै राखेको छ ।
