काठमाडौँ । आईसीसी विश्वकप लिग टूको अन्तिम त्रिकोणात्मक सिरिज अन्तर्गत पपुवा न्यु गिनी(पीएनजी) विरुद्धको खेलमा नेपालले चौथो सफलता हात पारेको छ ।
सन्दीप लामिछानेले पीएनजीका आसिद भालालाई आउट गराएर नेपाललाई चौथो सफलता मिलेको हो । यसअघिको तेस्रो विकेट पनि सन्दीपले नै लिएका थिए । तेस्रो विकेटमा उनले सेसे बाउलाई आउट गराएका थिए ।
यस्तै, सोमपाल कामीले पीएनजीका ओपनर हिरी हिरीलाई आउट गराएर नेपाललाई दोस्रो सफलता दिलाएका थिए भने ललित राजवंशीले किप्लिन डोरिगालाई आउट गराएर पहिलो सफलता दिलाएका थिए ।
टस जितेर फिल्डिङ गरिरहेको नेपालले राम्रो सुरुआत गरीरहेको छ । ताजा स्थितीमा पीएनजीले अहिले २० ओभरमा ४ विकेट गुमाएर ७२ रन बनाएको छ ।
