काठमाडौँ । राष्ट्रपति निर्वाचनमा हालसम्म ७२५ जनाले मतदान गरेका छन् ।
राष्ट्रपति तथा उपराष्ट्रपति निर्वाचन कार्यालयको पछिल्लो अपडेट अनसार संघीय संसदका २८५ तथा प्रदेशसभाका ४४० जना सदस्यले मतदान गरेका हुन् ।
बिहान १० बजेदेखि सुरु भएको राष्ट्रपति निर्वाचन संघीय संसद भवनमा जारी छ । राष्ट्रपति निर्वाचनमा सङ्घीय संसद्तर्फ तीन सय ३२ र प्रदेशसभा सदस्य पाँच सय ५० गरी कूल आठ सय ८२ मतदाता कायम छन् । सङ्घीय सांसदको मतभार ७९ र प्रदेशसभा सदस्यको मतभार ४८ छ ।
राष्ट्रपतिमा नेपाली कांग्रेसबाट रामचन्द्र पौडेल र नेकपा एमालेबाट सुवासचन्द्र नेम्वाङ प्रतिस्पर्धामा छन् ।
