काठमाडौँ । निर्वाचन आयोगले राष्ट्रपतिको निर्वाचनका लागि सम्पूर्ण तयारी पूरा भएको जनाएको छ ।
बानेश्वरस्थित संसद् भवनमा स्थापना भएको राष्ट्रपति तथा उपराष्ट्रपतिको निर्वाचन कार्यालयले बिहीबार बिहान १० बजेदेखि ३ बजेसम्म मतदान गर्ने गरी सम्पूर्ण तयारी पूरा गरेको हो ।
दलहरूले क्रम भोट हुनसक्ने आशंका गरिरहेका बेला निर्वाचन आयोगले बुथमा मतदाताले मोबाइल फोन लगायत कानुनले निषेध गरेका उपकरणहरू बोकेर जान नपाउने जनाएको छ । यदि, कसैले लगेको फेला परेमा निर्वाचन कसुर लगाइने पनि आयोगले जनाएको छ ।
आयोगले मतदान सकिएपछि दिउँसो ४ बजेदेखि मतगणना सुरु गर्ने र साँझ ७ बजेसम्ममा मत परिणाम घोषणा गर्ने तयारी गरिएको जनाएको छ ।
राष्ट्रपति निर्वाचनमा नेपाली कांग्रेसका रामचन्द्र पौडेल र नेकपा (एमाले)का सुवासचन्द्र नेम्वाङ उम्मेदवार छन् ।
