काठमाडौँ । पल्सर स्पोर्ट्स अवार्ड २०७८ अन्तर्गत एसियन स्पोर्टस जर्नालिस्ट अवार्ड कतारका मोहमद हिजीले जितेका छन् ।
नेपाल खेलकुद पत्रकार मञ्च (एनएसजेएफ)द्वारा मंगलबार कमलादीस्थित प्रज्ञा भवनमा जारी समारोहकाबीच हिजीलाई एसियन स्पोर्ट्स जर्नालिस्ट अवार्ड प्रदान गरिएको हो ।
हिजीले १९९० मा खेलकुद पत्रकारिता सुरु गरेका थिए । खेलकुद पत्रकारितामा तीन दशक भन्दा बढी समय काम गरेको अनुभव बटुलेका हिजीले एसिया क्षेत्रकै लिडिङ स्पोर्ट्स जर्नालिस्टको रुपमा रहेर विश्व खेलकुदको सर्वोच्च स्स्था एआईपीएसमा तीन कार्यकाल उपाध्यक्ष काम गरे ।