काठमाडौ । नेपाल कम्युनिष्ट पार्टी(एमाले)ले शुक्रबारका लागि बोलाएको केन्द्रीय कमिटी बैठकमा बरिष्ठ नेता माधव नेपाल समुह सहभागि नहुने भएको छ । बिहीबार बुद्धनगरस्थित एक पार्टी प्यालेसमा बसेको माधव नेपाल पक्षीय स्थायी कमिटीको बैठकले एमालेले भोली शुक्रबारको लागि बोलाइएको केन्द्रीय कमिटीको बैठकमा सहभागीन हुने निर्णय गरेको हो ।
बैठकपछि संक्षिप्त प्रतिक्रिया दिदैँ नेकपा(एमाले)का नेता भिम रावलले पार्टी विधान विपरित गठित दशौं राष्ट्रिय महाधिवेशन आयोजक कमिटीको बैठक र त्यसको निर्णयले पार्टी एकतामा हानी पु¥याउने भएकाले बैठकमा सहभागी नहुने निर्णय गरिएको बताउनुभयो ।
उहाँले वार्ता र सहमतीबाट समस्याको समाधान खोज्नुपर्ने पनि बताउनुभयो । उहाँले भन्नुभयो – ‘पार्टी विधान विपरित गठित दशौं राष्ट्रिय महाधिवेशन आयोजक कमिटीका बैठक र त्यसका निर्णयले पार्टी एकता हासिल गर्न अवरोध पु¥याउने भएकाले यही असार १८ गते बोलाइएको बैठकमा सहभागी हुन सकिदैनँ । वार्ता र सहमतीबाट समस्याको समाधान खोजिनुपर्छ ।’
नेता रावलले एमालेलाई एकताबद्ध बनाउनको लागि सहमतीको प्रक्रियामा औपचारिक वार्ता गरिनुपर्ने र केन्द्रीय कमिटीको बैठक आवश्यक सहमतीका आधारमा स्थायी कमिटीको निर्णयको आधारमा बोलाइनुपर्ने पनि बताउनुभयो । उहाँले भन्नुभयो – ‘नेकपा(एमाले)लाई एकताबद्ध रुपमा अगाडी बढाउन उचित र औपचारिक सार्थक वार्ता तथा सहमतीको प्रक्रिया अवलम्वन गरिनुपर्छ । केन्द्रीय कमिटीको बैठक आवश्यक तहको सहमती तथा स्थायी कमिटीको बैठकबाट आवश्यक निर्णय प्रस्तावको आधारमा मात्र बोलाइनुपर्छ ।’
नेकपा(एमाले)ले बुधबार दशौँ महाधिवेशन आयोजक कमिटीलाई भंग गरी २०७५ साल जेठ २ गते अघिको अवस्थामा रहेको केन्द्रीय कमिटीलाई व्युँताएको थियो । सोही केन्द्रीय कमिटीको बैठक भोलीको लागि बोलाइएको भएपनि माधव नेपाल समुह नजाने भएको हो ।
