काठमाडौँ । आइसिसी विश्वकप लिग २ त्रिकोणात्मक सिरिजमा युएईविरुद्ध नेपालले खराब ब्याटिङ गरेको छ । दुबई इन्टरनेशनल क्रिकेट स्टेडियममा टस जितेर पहिला ब्याटिङ रोजेको नेपालले २५ ओभरमा ५ विकेट गुमाउँदै ९९ रन बनाएको छ ।
अहिले नेपालका भीम सार्की २२ र सन्दीप लामिछाने १८ रनमा क्रिजमा छन् । आरिफ शेख, करण केसी र सोमपाल कामी अघि नै सन्दीपलाई ब्याटिङमा पठाईएको छ । सन्दीप लामिछानेको उत्कृष्ट ब्याटिङमा नै नेपालले यसअघि पीएनविरुद्ध हारिसकेको म्याच जितेको थियो ।
नेपालले चार औं ओभरको दोस्रो बलमा आसिफ शेखलाई गुमाएको थियो । तीव्र गतिका बलर जुनैद सिद्दिकको बलमा ६ रन बनाएर आसिफ आयन खानको हातमा थामिए ।
ज्ञानेन्द्र मल्ल नवौं ओभरको अन्तिम बलमा ११ रनमा एलबीडब्लू आउट भए । ज्ञानेन्द्रले २६ बल २ चौका प्रहार गरे । ज्ञानेन्द्र यसअघिका तीन खेलमा पनि ६, ० र ४ रनमा आउट भएका छन् । यस्तै, कप्तान रोहित पौडेल पनि १२ औं ओभरको दोस्रो बलमा एक रनमा बोल्ड आउट भए । उनलाई स्पिनर आयन लर्कानले आउट गराए ।
३२ रन जोडेका कुशल मल्ल १५ औं ओभरको पहिलो बलमा युएईका रोहन मुस्तफाको हातबाट बोल्ड आउट भए । कुशलले ३२ बलमा ४ चौका र २ छक्का प्रहार गरे ।
१८ औं ओभरको पहिलो बलमा दीपेन्द्रसिंह ऐरी एलबीडब्लू आउट भए ।
