काठमाडौँ । यही फागुन २४ गते आठ दलीय गठबन्धनले गर्न लागेको सांसदहरुको भेला स्थगित भएको छ ।
नेपाली कांग्रेसका मुख्यसचिव कृष्णप्रसाद पौडेलका अनुसार निर्वाचन आयोगले लागु गरेको आचारसंहिताका कारण प्रदेश र संघका सांसदहरुको संयुक्त अभिमुखीकरण स्थगित भएको हो ।
राष्ट्रपति निर्वाचनको अघिल्लो दिन आठ दलीय गठबन्धनले संघीय सांसद र प्रदेशसभा सदस्यहरुको भेला बोलाएको थियो । आयोगले यही फागुन १७ गतेदेखि चैत ५ गतेसम्मका लागि आचारसंहिता लागु गरेको छ ।
संघीय प्रदेशका सांसदहरुको छुट्टाछुट्टै अभिमुखीकरण भने आठ दलीय कार्यदलले गरिसकेको छ । कार्यदलले बिहीबार संघीय सांसद र शुक्रबार प्रदेशसभा सदस्यहरुलाई शीर्ष नेताहरुले अभिमुखीकरण गर्नुभएको थियो ।
आठ दलीय गठबन्धनबाट राष्ट्रपतिमा नेपाली कांग्रेसका वरिष्ठ नेता रामचन्द्र पौडेल उम्मेदवार हुनुहुन्छ ।
