एजेन्सी । इंग्लिस प्रिमियर लिगको उपाधि होडमा रहेको म्यान्चेस्टर सिटीले जित निकालेको छ ।
शनिबार साँझ सम्पन्न खेलमा सिटीले न्युक्यासल युनाइटेडलाई २–० गोलले पराजित गरेको हो । घरेलु मैदान इतिहाडमा सिटीलाई जित दिलाउन फिल फोडेन र बर्नार्डो सिल्भाले एक–एक गोल गरे ।
जितसँगै २६ खेलबाट ५८ अंकसहित म्यान्चेस्टर सिटी तालिकाको दोस्रो स्थानमा रहँदा २४ खेलबाट ४१ अंकसहित न्युक्यासल भने पाँचौं स्थानमा रहेको छ ।
