काठमाडौँ । नेपालले आइसिसी विश्वकप लिग–२ त्रिकोणात्मक सिरिजमा पपुवा न्युगिनीबिरुद्ध नेपाललाई पहिलो सफलता मिलेको छ ।
दुबई इन्टरनेशल क्रिकेट स्टेडियममा भईरहेको खेलमा स्पिनर सन्दीप लामिछानेले नेपाललाई पहिलो सफलता दिलाएका हुन् । उनले पपुवा न्युगिनीका ओपनर किप्लीन डोरीगालाई एलबिडब्ल्यू आउट गराएका हुन् । डोरीगा ४३ बलमा २६ रन बनाएर आउट भए ।
यो समाचार तयार पार्दासम्म पपुवा न्युगिनीले १२ ओभरमा एक विकेटको क्षतिमा ५० रन बनाएको छ ।
नेपाल ३० खेलमा १३ हार र १५ जितसहित २८ अंकका साथ छैटौं स्थानमा छ । पपुवा न्युगिनी ३० खेलमा ३ जित र २६ हारसहित ७ अंकका साथ अन्तिममा रहेको छ । यहि सिरिजमा पिएनजीबिरुद्धको पहिलो खेलमा नेपालले पिएनजीलाई १० विकेटले पराजित गरेको थियो ।
