काठमाडौं । प्रतिनिधिसभा विघटनसम्बन्धी मुद्दामा बहस सम्पन्न भएको छ ।
रिट निवेदक १४६ सांसद र विपक्षी राष्ट्रपति कार्यालय र प्रधानमन्त्रीका तर्फबाट बहस र जवाफी बहस आज दिउँसो सकिएको हो ।
आज रिट निवेदकका तर्फबाट वरिष्ठ अधिवक्ता हरिहर दाहाल, बद्रीबहादुर कार्की र शम्भु थापाले जवाफी बहस गरेका थिए ।
अब संवैधानिक इजलासले एमिकस क्युरीको राय लिन बाँकी छ । आजै (सोमबार) दिउँसो साढे २ बजेपछि एमिकस क्युरीको बहस शुरु हुनेछ ।
प्रतिनिधिसभा विघटन मुद्दामा नेपाल बार एशोसिएसनका तर्फबाट वरिष्ठ अधिवक्ता राघवलाल वैद्य र उषा मल्ल पाठक तथा सर्वोच्च अदालत बार एशोसिएसनका तर्फबाट कोमलप्रकाश घिमिरे र प्रकाशबहादुर केसी एमिकस क्युरीको रुपमा चयन भएका छन् । एमिकस क्युरीको रायका लागि २ घण्टा समय छुट्याइएको छ ।
रिट निवेदक पक्ष र विपक्षले संवैध१५/१५ घण्टा बहस गरेका छन् । प्रधानन्यायाधीश चोलेन्द्रशमशेर जबरा, न्यायाधीशहरु दीपककुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराई संवैधानिक इजलासमा छन् ।
